Ҫакăн пек ятпа иртрĕ Хирти Пикшикри вăтам шкулта 5-11-мĕш класра вĕренекенсем хушшинче сăвă конкурсĕ. Конкурсра тăван чăваш чĕлхи, атте-анне, çут çанталăк илемĕ çинчен хывнă сăвăсене Экологи, Атте-анне çулталăкĕсене халалларĕç. Ҫавăн пекех район 90 çул тултарнă май çыравçă-ентешсен сăввисем те янăрарĕç. Уйрăмах, 6-мĕш класри Петров Павел Раиса Сарпин “Хĕрарăм”, 9-мĕш класри Макеева Виктория Ухсай Яккăвĕн “Кăвак хуппи”, 5-мĕш класри Козлов Анастасия “Ҫуркунне”, 6-мĕш класри Дмитриева Татьяна “Тăван чĕлхе” сăввисем жюри членĕсене тата куракансене кăмăла кайрĕ.