Иван Яковлевăн хайлавĕсемпе шкул ачисем пуçламăш классенчех паллашма пуçлаççĕ. Вĕсене тăван сăмах урокĕсенче анчах мар, вырăс чĕлхи урокĕсенче те тĕл пулма пулать. Уйрăмах ачасене «Сармантей», «Лаша шырани», «Йăлăнтарни»,  «Шăши» хайлавĕсем килĕшеççĕ. Çак хайлавсем ачасене паянхи кун та ăса вĕрентеççĕ. Хирти Пикшикри вăтам шкулти чăваш чĕлхипе литература эрнин иккĕмĕш кунĕнче Аслă Вĕрентекенĕмĕрĕн хайлавĕсем тăрăх ӳкернĕ иллюстрацисен конкурсĕ пуçланчĕ. Ачасем пысăк хавхаланупа хăйсем вуланă хайлавсене шурă хут çине куçарчĕç. Конкурс пĕтĕмлетĕвĕ эрне вĕçĕнче пулать.