Театр çулталăкне халалласа Хирти Пикшик вăтам шкулĕнче «Юптару тĕнчи» конкурс иртрĕ. Конкурса  ачасен  тăван чĕлхене вĕренес, илемлĕ литературăна вулас туртăмне, театр ÿнерлĕхĕпе кăсăкланас  туйăмне, хăйсене сцена çинче тытма пултарас  енĕсене ÿстерес енĕпе йĕркеленĕ. 

5-8-мĕш класра вĕренекенсем Александр Кăлкан, Николай Шупуççынни, Стихван Шавли çырнă юптарусене сцена çинче кăтартса пачĕç. Жюри членĕсем инсценировкăсене ачасем тăван чĕлхепе уçăмлă: илемлĕ калама пултарнине: вĕсен ăсталăхне: сасăпа: хусканупа сăнара уçса пама пултарнине: сăнара калăпласа пама костюм хатĕрленине шута илсе хакларĕç. Пĕрремĕш вырăна «Наян Кампур» юптарупа Ахмеева Арина тата Иванкина Диана тухрĕç, иккĕмĕшĕнче – çиччĕмĕшсен «Хăравçă мулкач» пулчĕ. Виççĕмĕш вырăна улттăмĕш классемпе саккăрмĕшсем пайларĕç.

Конкурса пĕтĕмлетсе Пестров Леонид Николаевич вĕрентекен конкурса хутшăннă ачасене пысăк тав сăмахĕ каларĕ, дипломсем парса чысларĕ.