Чăваш чĕлхипе литератур эрнин планĕпе килĕшӳллĕн Хирти Пикшикри вăтам шкулта 9-11 класра вĕренекенсем хушшинче инçет мелпе вулав конференцийĕ иртрĕ. Ǎна Аслă Ҫĕнтерӳ 75 çул тултарнине халаланă.

   Вĕренекенсем вăрçă хирĕнче çырнă хайлавсемпе паллашрĕç, онлайн мелĕпе пурте пĕрле учительпе сӳтсе яврĕç. Хайлавсен темипе тĕп шухăшне палăртрĕç, вĕрентекенсен ыйтăвĕсем çине хуравларĕç, чи килĕшекен вырăнсене илемлĕ вуласа пачĕç. Конференци теминче Александр Алка, ПетĕрХусанкай, Владимир Бараев, Кĕçтук Кольцов хайлавĕсем пулчĕç.