Ака уйăхĕн 25 – мĕшĕнче чăваш халăхне çутта кăлараканĕ, чăваш çырулăхне йĕркелекенĕ И.Я.Яковлев çуралнă кун, эпир Чăваш чĕлхин кунне паллă тăватпăр. Чăваш чĕлхи вăл – чăваш халăхĕн иксĕлми пуянлăхĕ. Çак çăлкуçран эпир мĕн ачаран тумламăн – тумламăн пĕлÿ илсе ÿсетпĕр.
Хирти Пикшикри 1 «б» класра вĕренекенсем те (класс ертÿçи – Данилова Л.Д.), Чăваш чĕлхин кунне уявласа, дистанци мелĕпе сăвă вулакансен конкурсне ирттерчĕç, чăваш поэчĕсен сăввисене чуна тивмелле вуларĕç. Вĕрентÿ институчĕ йĕркеленĕ «Эпĕ чăвашла калаçатăп» акцие хастар хутшăнса Корнилов Ю., Шарефетдинова Р., Николаева С. хăйсен ĕçĕсене социаллă сетьсене вырнаçтарчĕç.