Эпир вăрçă çинчен вулатпăр.

«Вăрçă» сăмах чуна çӳçентерет, чун-чĕрене ыраттарать, сехрене хăпартать. Чăваш çыравçисем вăрçă çинчен сахал мар хайлав çырнă. Вĕсене вуласан пĕтĕм чунтан пăлханса каятăн, асап, çухату тӳснĕ сăнарсемпе пĕрле хурланатăн, кулянатăн, йĕретĕн.

Чăваш чĕлхипе литература эрни планĕпе килĕшӳллĕн 5-мĕш класра вĕренекенсем «Эпир вăрçă çинчен вулатпăр» иллюстраци конкрсĕнче хутшăнчĕç. Кашнийĕшĕ нумай пулмасть вуланă Александр Алкан «Ырă ят» сăвăри, Сергей Павловăн «Ача вăййи мар…» тата Ольга Туркайăн «Пахчари çĕмĕрт» калавсенчи асра юлнă самантсене сăрăпа хут çине куçарма тăрăшрĕ.

Жолобова Валерия, Данилова Ульяна, Анисимов Виктор, Ильбеков Артем тата Павлова Милана ӳкечĕкĕсем пурне те килĕшрĕ. Ҫак ĕçсене пĕрле вĕренекенсенчен йĕркеленĕ жюри пысăк хак пачĕ.