Виҫҫӗмеш ҫул чӳк уйӑхӗн 26- мӗшӗнче чӑваш тӗррин кунне уявлатпӑр. Чӑваш халӑх культурине упраса хӑварас,тӑван халӑх историне, пуянлӑхне сума сӑвас тӗллевпе Хирти Пикшикри вӑтам шкулта та ҫак ятпа тӗрлӗ мероприяти иртет. Библиотекӑра, унӑн ертӳҫи О.Заводова пулӑшнипе, чӑваш чӗлхипе литературине вӗрентекен И.Пестрова шкул ачисене чӑваш тӗрри ҫинчен ҫырнӑ кӗнекесемпе паллаштарчӗ, кӗскен уяв ҫинчен каласа пачӗ. Ҫавӑн пекех чӑваш тӗррипе илемлетнӗ пуканесен выставки иртрӗ. Чи илемлисем район шайӗнче иртекен конкурсра хутшӑнма тивӗҫлӗ пулчӗҫ. 5-9 класра вӗренекенсене Ирина Ивановна "Чӑваш тӗррин асамлӑхӗ" презентаципе паллаштарчӗ.