Патӑрьел тӑрӑхӗнчи Хирти Пикшикри вӑтам шкулта вӗренекенсем пӗчӗкренех халӑхӑмӑр юрри- кӗввине упрама хӑнӑхаҫҫӗ. Чӑваш вӑййисем ҫинчен вӗсем аслашшӗ- асламӑшӗ каласа панинчен ҫеҫ пӗлмеҫҫӗ, ачасем хӑйсем те чӑн чӑвашла пуплесе вӑйӑсем выляҫҫӗ. Пӗлтӗр Данилова Л.Д.ертсе пыракан пуҫламӑш класри ачасен ушкӑнӗ "Туслӑх хӗлхемӗ" фестивальте " Чӑваш вӑййи" номинацире республика шайӗнче хутшӑнса ҫӗнтерӳҫӗ пулса тӑнӑччӗ. Кӑҫал, нарӑс уйӑхӗн 21- мӗшӗнче, Пӗтӗм тӗнчери тӑван чӗлхе кунӗнче, Ҫӗрпӳри 1- мӗш вӑтам шкулта " Туслӑх хӗлхемӗ" фестиваль старт илчӗ. Вӑл 1- 4 классенче вёренекен чӑваш ачисене пӗрлештерчӗ. Ку фестивале хутшӑнма Хирти Пикшикри вӑтам шкулта 4- мӗш класра вӗренекенсем тивӗҫ пулчӗҫ,  пурне те хӑйсен пултарулӑхӗпе савӑнтарчӗҫ.